सुचना, समाचार र मनोरन्जन

अभागी अनमोल : कोरोनाले आधा दर्जन फिल्म घोषणामै सिमित

काठमाडौं । युवापुस्तामा लोकप्रिय बनेका कलाकार अनमोल केसीका फिल्म घोषणा नै सिमित भएका छन् । उनले साइन गरेका आधा दर्जन भन्दा बढि फिल्ममा अनुबन्धमा नै सिमित रहेका छन् । ति फिल्म बन्ने नबन्ने अहिलेसम्म नै टुंगो लाग्न सकेको छैन ।

नेपालकै सर्वाधिक लगानीमा निर्माण हुने भनिएको फिल्म ‘एक्स नाइन’को छायांकन मिति नजिकीदै गर्दा कोरोनाको त्रासका कारण रोकिएपछि उनी अन्यालमा रहेका छन् । प्रदर्शनको तयारीमा रहेको फिल्म ‘ए मेरो हजुर ४’को प्रदर्शन पनि अनिश्चित बनेको छ । यस फिल्मको दुईवटा सिरिजमा काम गरेका अनमोलले यस बीचमा झण्डै आधा दर्जन फिल्ममा काम गर्ने मौका पाए ।

British college

अनमोललाई नै लिएर उनका बुवा भुवन केसीले तीनवटा फिल्मको घोषणा गरिसकेको लामै समय भइसकेको छ । फिल्म‘एन्टी हिरो, पारस र माइतीघर २’ अनमोलको होम प्रोडक्सनबाट निर्माण गर्ने भनेको लामै समय बितिसक्दा पनि अहिलेसम्म सुरसार भएको छैन । यो फिल्म पनि घोषणामा नै सिमित होला कि भन्ने धेरैले अनुमान गर्न थालेका छन् । फिल्म ‘एक्स ९’साइन गरेर शरीर बनाउन दिनभर जिममा समय खर्च गरेका अनमोलको यो फिल्म बन्ने वा नबन्ने टुंगो नहुँदा उनी आफ्नै फिल्म ‘पारस’मा काम गर्ने हल्ला चलाएका छन् ।

कतै फिल्म सम्झौता गर्दै छाड्दै

अनमोल केसीले आफुलाई फिल्म मन नपरेको भन्दै निकै वटाबाट बाहिरिएका छन् । निर्देशक मिलन चाम्सको फिल्म ‘ब्याचलर बन्टी’मा काम गर्ने पक्का पक्की जस्तै गरेका अनमोलले सम्झौता रकम नै फिर्ता गरेर फिल्म छाडेका थिए । उनले किन र के कारणले फिल्म छाडेको भन्ने बारे कतै खुलाउन चाहेनन् ।

त्यस्तै यतासाम्तेन भुटियासँग मिलेर ‘धुपौरे’मा उनले काम गर्ने पक्का भएको थियो । निर्देशक भुटियासँग बसेर यस फिल्मको लागि लोकेसन हेर्न समेत हिडेका अनमोलले विभिन्न कारण देखाउँदै यो फिल्म नगर्ने भन्दै बाहिरिएका थिए । उनको यो बानीले धेरै निर्देशक तथा निर्मातालाई निराश बनाइरहेका छन् ।

कमेन्ट्स
Loading...