सुचना, समाचार र मनोरन्जन

साउथ फिल्म ‘थिरिमाली’ को ट्रेलरमा देखिए स्वस्तिमा र माओत्से गुरुङ

काठमाडौ । नेपाली कललाकारलाई लिएर नेपालमै छायांकन भएको साउथ फिल्म ‘थिरिमाली’ को ट्रेलर सार्वजनिक भएको छ । सार्वजनिक भएको ट्रेलरमा साउथ फिल्मका कलाकार सहित नेपाली अभिनेत्री स्वस्तिमा खड्का र कलाकार माओत्से गुरुङलाई देख्न सकिन्छ । २ मिनेट ४१ सेकेन्ड लम्बाईको ट्रेलरमा अभिनेत्री स्वस्तिमालाई आइटम डान्स गरिरहेको देखाइएको छ ।

भारतबाट नेपाल घुम्न आउँदा नेपालीसँगको कुराकानी र नेपालको वर्णन गरिएको छ । निर्माण पक्षले जानकारी दिए अनुसार स्वस्तिमा एक आइटम गीतमा मात्र देखिनेछिन् । उनीसँगै अभिनय गरेका अर्का कलाकार माओत्से भने यो फिल्मको मुख्य भुमिकामा नै देखिने छन् ।
राजीव शेठ्ठीको निर्देशनमा तयार भएको ‘थिरिमाली’ लाई हिन्दी, मलयालम, कन्नड, तमिल र तेलूगू भाषामा रिलिज हुनेछ ।

नेपालमा पोखरा, काठमाडौं, लुक्ला लगायतका रमणीय स्थानमा छायांकन भएको फिल्ममा भारतीय कलाकारहरु विविन जर्ज, जोनी एन्टिवनी, सलिम कुमार, इनोसेन्ट, सोहन सीनुलाल, हरीश कणरण, अन्ना राजनका साथै नेपाली कलाकार उमेश तामाङको पनि अभिनय छ ।
नेपालका दृश्यहरुलाई पर्याप्त ठाउँ दिइएको यो फिल्म कोरोना महामारीको समयमा नेपालमा छायांकन भएको थियो । निर्माताको रुपमा सरोज न्यौपाने रहेका छन् भने फिल्मलाई फजल अलीले खिचेका हुन् । एस के लरेन्स र रानी लरेन्स निर्माता रहेको फिल्मको प्रदर्शन मिति घोषणा गरिएको छैन ।

कमेन्ट्स
Loading...