सुचना, समाचार र मनोरन्जन

‘खलनायक २’: पुराना कलाकार नदोहोरिने, चल्तीका कलाकार लिने तयारीमा निर्माता

काठमाडौं । यतिबेला निर्माता रोज राणा आफ्नो सफल चलचित्र ‘खलनायक’को सिक्वेल निर्माण गर्ने तरखरमा छन् । रोजले दशैं अगाडि नै चलचित्रको छायांकन शुरू गर्ने लक्ष्य राखेका थिए । तर कोरोनाका कारण चलचित्रको छायांकन शुरू हुन सकेको छैन ।

अभिनेता राजेश हमाल, निखिल उप्रेती, विराज भट्ट लगायतका कलाकारहरू फिचर भएको सुपरहिट चलचित्र ‘खलनायक’को सिक्वेलमा को कलाकार रहने हुन भन्ने धेरैको चासो छ । तर निर्माण पक्षले चलचित्रको मुख्य कलाकारहरू पक्का गर्न सकेको छैन ।

Parichay

निर्माता रोजका अनुसार चलचित्रमा पुराना कलाकार भने दोहोरिने छैनन् । उनी भन्छन्, ‘मैले चलेका कलाकारहरूलाई लिएर खलनायक बनाएको थिएँ । यसको दोस्रो पार्टमा भने पुराना कलाकार कोही दोहोरिने छैनन् । खलनायक २ का लागि अहिलेका चल्तीका केही अभिनेता/अभिनेत्रीसँग कुराकानी भइरहेको छ । उहाँहरु सकारात्मक देखिनुभएको छ । कलाकारको टुंगो लागेसँगै चलचित्रको छायांकन शुरू हुनेछ ।’

चलचित्रको खलपात्रमा भने निर्माता राणा आफैँ खेल्ने तयारी गरिरहेका छन् । लभस्टोरी-एक्सन जनरामा निर्माण हुने चलचित्रलाई गोविन्द सिंह भण्डारीले निर्देशन गर्नेछन् ।

Comments
Loading...