सुचना, समाचार र मनोरन्जन

पन्द्र दिन फिल्म हल र रात्रिकालिन व्यवसाय बन्द गर्ने सरकारको निर्णय

काठमाडौं । दुइ वर्ष अघि देखि बन्द भएको फिल्म हल चलायमान हुन लाग्दै गर्दा अर्को तेस्रो लहरले छोपिसकेको छ । कोभिडको त्रासका कारण सरकारले कोरोनाको तेस्रो लहर रोकथाम गर्न एक महिने आदेश जारी गर्दै फिल्म हल तथा रात्रिकालिन व्यवसाय बन्द गर्ने निर्णय गरेको छ ।

शुक्रबार बसेका मन्त्रिपरिषदको बैठकले ‘कोभिड १९ महामारीको तेस्रो लहर रोकथाम तथा नियन्त्रण आदेश २०७८’ जारी गर्दै पहिलो चरणमा सिनेमा हल र रात्रीकालीन व्यवसाय १५ दिन बन्द गर्नेसमेत आदेशमा उल्लेख गरेको छ ।
त्यस्तै आदेशमा माघ मसान्तसम्म सार्वजनिक स्थल, समारोह, सामाजिक कार्य आदिमा २५ जनाभन्दा बढी सहभागी हुन नपाउने निर्णय गरेको छ ।
बैठकले पहिलो चरणमा माघ १५ सम्म सबै स्कुल, कलेज र विश्वविद्यालयमा भौतिक पठनपाठन समेत बन्द गर्ने निर्णय गरेको हो भने छ । होटल , क्याफे र रेष्टुरेण्टमा खोपकार्डका आधारमा मात्रै प्रवेश दिन आग्रह गरेको छ । निषेधाज्ञा सम्बन्धि निर्णय स्थानीय आवश्यकता अनुसार जिल्ला प्रशासन कार्यालयले गर्न सक्ने व्यवस्था पनि मन्त्रिपरिषद बैठकबाट पारित गरेको छ । कहिलेबाट निर्णय लागु गर्ने भने उल्लेख गरिएको छैन ।

कमेन्ट्स
Loading...