सुचना, समाचार र मनोरन्जन
kumdini

अभिनेता अभिनेत्रीको ब्यस्तता : ब्रान्ड एम्बास्डर बन्ने र रिवन काट्ने

काठमाडौें । कोरोना महामारीपछि नेपाली कलाकारहरुको आम्दानीको स्रोत म्युजिक भिडियो नै बन्यो । म्युजिक भिडियोमा पारिश्रमिक राम्रै पाउने हुँदा चलेका अभिनेत्री तथा अभिनेता म्युजिक भिडियोमा नै व्यस्त बने ।

फिल्म पनि केहि मात्र निर्माण भएका छन् भने नत्र घोषणामा मात्र सिमित हुन पुगेका छन् । केहि फिल्मको छायांकन भएता पनि चलेका अभिनेता प्रदीप खड्का , अनमोल केसी, लगायतका कलाकार जाडोमा घाम ताप्नु बाहेक केहि काम छैन । अनमोलको नयाँ फिल्म ‘एक्स नाइट’को छायांकनको टुङ्गो लागेको छैन भने प्रदीपको दुइ वर्ष अघि खिचेको फिल्म ‘प्रेम गीत ३’ प्रदर्शनको तयारीमा रहेको छ । तर, उनले फिल्ममा अभिनय गरेर दाम कमाउने मेसो भने भएको छैन । पुरानै फिल्मको प्रचार प्रचारमा जुट्नु बाहेक प्रदीपका दिनचर्चा घरमा नै बस्नु परेको अवस्था छ ।

British college

अभिनेता राजेश हमाललाई भने म्युजिक भिडियो, महोत्व र ब्राण्ड एम्बास्डर बन्न दौडधुप रहेको छ । शुक्रबार नेपालकै फास्टेस्ट ग्रोइङ रिटेल चेन साथीमार्टको ब्राण्ड एम्बास्डरमा नियुक्त भएका अभिनेता हमाल झन्डै पाँच वर्ष यता फिल्म बिहिन बनेका छन् । उ फ्याट्टफुट्ट म्युजिक भिडियोमा अभिनय गर्दै आएका उनी अहिले महोत्सव र एम्बास्डरका रुपमा काम गर्न थालेका छन् । पछिल्लो समय विभिन्न कार्यक्रममा अतिथिका रुपमा सरिक हँुदै आएका हमाल फिल्म ‘सत्यम्’मा अनुबन्धित भएको लामै समय भइसक्यो । तर छायांकनमा कहिलेबाट निस्कने अझै टुङ्गो लागेको छैन । आफु अनुबन्धित भएको फिल्म कहिलेबाट छायांकन होला भन्ने यकिन नहुँदा हमाल विभिन्न साँस्कृतिक कार्यक्रम र एम्बास्डरमा नियुक्ती भएर आम्दानी गरिरहेका छन् ।

अभिनेत्री वर्षा राउतले केहि दिन अघि एक फिल्ममा अनुबन्धित बनेकी छन् भने आँकल झुक्कल म्युजिक भिडियोमा अभिनय गर्दै आएकी छन् । उनी बरु फुर्सदको समयलाई सदुपयोग गर्दै टिकटकमा रमाइरहेकी छन् । अभिनेत्री करिश्मा मानन्धर पनि ब्युटिपिजेन कार्यक्रममा रिवन काट्न भ्याइ नभ्याइ रहेको छ । अनमोल केहि दिन अघि एक कलेजको ब्रान्ड एम्बास्डर बने । उनी अम्पायर कन्सलटेन्सी एन्ड भिजा सेन्टरको व्यवसायिक दूत(ब्रान्ड एम्बेसडर)को रुपमा नियुक्त भए ।

पत्रकार सम्मेलनमा सेन्टरका प्रमुख स्वतन्त्रप्रताप शाह र केसीले ब्रान्ड एम्बेसडर सम्झौता पत्रमा हस्ताक्षर गरेपछि अनमोल आर्थिक रुपमा सबल बन्ने देखिन्छ । ब्रान्ड एम्बास्डर र विभिन्न व्यवसायको उद्घाटन गरेपछि राम्रै आम्दानी हुने भएकाले कलाकार यता मरिमत्ते गर्छन् । यता ठूला व्यवसायीक घरानाले आफ्नो कम्पनीको ब्रान्ड एम्बास्डर नियुक्त गर्न र व्यवसायको उद्घाटन गराउन ठूलो रकम खर्चिने गर्दछन् । अहिले यसैको पछि अभिनेता तथा अभिनेत्री लागेको देखिन्छ ।

अभिनेत्री पूजा शर्मालाई विभिन्न व्यवसायको रिवन काट्न भ्याइनभ्याइ छ । व्यवसायको उद्घाटन गर्न र आफु निकट पत्रकार लिएर अभिनेत्री पुजा शर्मा रिवन काट्न कुदने गरेकी छन् । गत हप्ता ‘माछा हाउस’ को रिवन काटेकी पुजाले केहि दिन यता निकै व्यस्त रहेकी छन् । ‘माछा हाउस’को रिवन काटेको केहि दिन पछि नै उनले अर्थात गत शनिवार ‘फेसियल हाउस’ को उद्घाटन गरिन । ‘फेसियल हाउस’ को बार्षिकोत्सवमा पूजासँगै नेपाल उद्योग वाणिज्य महासंघकी पूर्व अध्यक्ष भवानी राणा, निर्देशक शोभित बस्नेत, नायकद्धय दिकपाल कार्की र यशराज गराचले संयुक्त रुपमा रिवन काटे ।

कमेन्ट्स
Loading...