सुचना, समाचार र मनोरन्जन
kumdini

केकी,आँचल अभिनित ‘झिँगे दाउ’ को ‘आगो बिना बिडी जल्दैन’

काठमाडौं :

आगामी भदौ १७ गते प्रदर्शनको तयारीमा रहेको ‘झिँगे दाउ’ को नयाँ गीत ‘आगो बिना बिडी जल्दैन’ सार्वजनिक गरिएको छ । काठमाडौंमा मंगलबार पत्रकार सम्मेलनको आयोजना गर्दै अभिनेत्रीद्वय केकी अधिकारी तथा आँचल शर्मा र अभिनेताद्वय मुकुन भुसाल तथा कुशल विष्ट अभिनित उक्त गीत सार्वजनिक गरिएको हो ।

British college

कोरोना महामारीको समयमा छायांकन भएको फिल्मलाई ज्ञानेन्द्र देउजाले निर्देशन गरेका छन् । यस फिल्मको गीतमा अर्जुन पोखरेलले संगीत भरेका छन् भने शान्तिश्री परियार र प्रवीण बेडवालले स्वर भरेका छन् । गीतको शब्द मुक्त उदासले रचना गरेका हुन् ।

लोकलयमा आधारित गीतको भिडियोलाई रामजी लामिछानेको कोरियोग्राफी छ भने, गीतमा केकीसँग मुकुन र आँचलसँग कुशलको जोडी बाँधिएको देख्न सकिन्छ । कपनगढी सिनेमा र फिल्मक्रिउ नेपालको प्रस्तुति रहेको फिल्मलाई सुलभप्रतीक देउजा, समीक्षा देउजा र विष्णु कल्पितले निर्माण गरेका हुन् ।

स्वर्गीय साहित्यकार भीमनीधि तिवारीको कथा कृतिमा आधारित यो फिल्ममा प्रदीप भारद्वाजले पटकथा लेखेका हुन् । फिल्मलाई विष्णु घिमिरे ‘कल्पित’ले छायांकन तथा मित्र देव गुरुङले सम्पादन गरेका हुन् ।

कमेन्ट्स
Loading...