सुचना, समाचार र मनोरन्जन

गायक चोलेन्द्र पौडेलको ‘आगनीको डिल’ सार्वजनिक ( भिडियो )

  •  
  •  
  •  
  •  

पोखरा /

लोकदोहोरी गायक चालेन्द्र पौडेलको ‘आगनिको डिल’ सार्वजनिक भएको छ । स्वरमा उनलाई देवी घर्तीले साथ दिएकी छिन् । रामजी पौडेलको शब्द सिर्जनामा चालेन्द्र आफैले लय भरेका हुन् । गीतको म्युजिक भिडियोमा ओबी रायमाझी र दिपासा बिसीको अभिनय छ ।

सुनील परियारको संगीत संयोजनमा तयार भएको गीतलाई दुर्गा पौडेलले निर्देशन तथा छायाँकन गरेका हुन् । आगनिको डिल एक माया प्रेमको कथा हो । जस्तो सुकै आपत विपत परेका बेला पनि एक अर्काको साथ आवश्यक छ भन्ने सन्देश गीतको म्युजिक भिडियो हेर्दा मिल्छ ।

यसअघि पानी मुनीमुनी, चढ्यो चढ्यो जवानी लगायतका दर्जन बढी गीत सार्वजनिक गरेका चोलेन्द्र पौडेल सो गीतबाट सफलता मिल्नेमा विश्वस्त छन् । अहिलेको माया प्र्रेम दुई दिन पनि टिक्दैन । केही मनमुटाव हुने बित्तिकै सम्बन्ध विच्छेद हुन्छ । तर म्युजिक भिडियोमा प्रस्तुत माया प्रेमले सम्बन्ध गास्ने सन्देश प्रवाह गरिरहेको हामी पाउँछौं ।

समय सहज हुँदा जसले पनि साथ दिन्छ तर आपतमा साथ दिने जो हुन्छ उ नै सच्चा साथी हो भन्ने भावनालाई गीतको म्युजिक भिडियोमा प्रस्तुत गरिएको छ । छायाँकन समेत पोखराको रमणीय स्थलमा गरिएको गीतलाई हेरेर सुझाव वा प्रतिक्रिया दिन गायक पौडेलको आग्रह छ । भन्छन्,‘हामीले राम्रा सिर्जनालाई समेत माया गर्नुपर्ने हुन्छ ।

आजको भोली चर्चा कमाउने गरी आएका गीतको शब्द र लय सुन्दा नै उदेक लाग्दो छ । गीतसंगीतको संरक्षणका लागि हाम्रा सिर्जना समेत सबैले सुन्ने खालको हुनुपर्छ । दर्शकले समेत त्यहि अनुरुपको माया दिएको खण्डमा नराम्रा गीतले प्रशय पाउने थिएनन् ।’ उसो त पौडेलले माया प्रेमका गीतसंगीत बाहेक सामाजिक जनचेतना मुलक गीत समेत सार्वजनिक गरेका छन् ।

आगामी समयमा पनि लोकसंगीत क्षेत्रबाट टाढा नगई सामाजिक रुपान्तरणमा दरिलो भूमिका खेल्ने प्रणका साथ उनी लागिपरेका छन् ।

हेर्नुहोस् भिडियो :

कमेन्ट्स
Loading...