सुचना, समाचार र मनोरन्जन

कानुन विपरीत मदिराको विज्ञापन नगर्न बोर्डको अनुरोध

काठमाडौँ/

विज्ञापन बोर्डले प्रचलित कानुनविपरीत मदिरा तथा सुर्तीजन्य पदार्थको विज्ञापन प्रकाशन तथा प्रसारण नगर्न, नगराउन सम्बन्धित सबैमा अनुरोध गरेको छ।

चाडबाडका बेला कतिपय पत्रपत्रिका लगायत विभिन्न सञ्चारमाध्यममा प्रचलित कानुनविपरीत मदिराका विज्ञापन प्रकाशन प्रसारण भएको, देशका विभिन्न भागमा राखिएका होडिङ बोर्डमा समेत त्यस्ता विज्ञापन देखिएको र उक्त कार्य जनस्वास्थ्य सेवा ऐन–२०७५ तथा विज्ञापन नियमन गर्ने ऐन– २०७६ विपरीत भएकाले यसलाई तत्काल हटाउन बोर्डले अपिल गरेको छ। अन्यथा कानुनबमोजिम कारबाही हुनेसमेत बोर्डले जनाएको छ।

बोर्डद्वारा जारी विज्ञप्तिमा जनस्वास्थ्य सेवा ऐन, २०७५ को दफा ४५ को उपदफा १ मा ‘मदिरा, चुरोट, सुर्ती तथा सुर्तीजन्य पदार्थलगायत मानव स्वास्थ्यलाई प्रतिकूल असर गर्ने कुनै पनि विज्ञापन सामग्रीको उत्पादन, वितरण तथा प्रचारप्रसार गर्न पाइने छैन’ भन्ने व्यवस्था गरिएको छ।
त्यसैगरी, विज्ञापन ९नियमन गर्ने० ऐन, २०७६ को दफा ५ को उपदफा १ ९छ० मा ‘प्रचलित कानुनले विज्ञापन गर्न निषेध गरेका विषयमा गर्न नहुने’ व्यवस्था गरेको जनाइएको छ।

कमेन्ट्स
Loading...