सुचना, समाचार र मनोरन्जन

मदनकृष्णले गाउँदा यस्तो सुनियो ‘फुलबुट्टे सारी’

काठमाडौँ /

बरिष्ठ कलाकार मदनकृष्ण श्रेष्ठको आवाजमा ‘फुलबुट्टे सारी’ को ‘लिजेण्ड्री’ भर्सन रिलिज भएको छ । मेल, फिमेल र चाइल्ड भर्सनमा निकै रुचाइएको गीतको लिजेण्डरि भर्सनलाई मंगलबार एक कार्यक्रम आयोजना गरेर सार्वजनिक गरिएको हो ।

१२ वर्ष अगाडि नै रेकर्ड गरिएको यस गीत पछिल्लो समय निकै रुचाइएको थियो । गीतमा राजनराज शिवाकोटीको शब्दर संगीत सुन्न सकिन्छ । गीतको मेल भर्सनमा मार्मिक लामाले स्वर दिएका छन् । जुन गीतलाई पनि निकै रुचाइयो । मिलन नेवारको आवाजमा फिमेल भर्सनमा रिलिज भएको गीतले रेकर्डमय दर्शकको साथ बटुल्यो । आरिश्मा शिवाकोटीको आवाजमा गीतको चाइल्ड भर्सन रिलिज भएको थियो ।

लिजेण्डरि भर्सनको भिडियोमा मदनकृष्ण श्रेष्ठ र मिथिला शर्मा फिचर रहेका छन् । भिडियोलाई राजेश पुमा राईले निर्देशन गरेका छन् । उत्सव दाहालले खिचेको भिडियोलाई विकास दाहालले सम्पादन गरेका छन् ।

भिडियो रिलिज कार्यक्रममा बरिष्ठ कलाकार हरिवंश आचार्य प्रमुख अथिति रहेका थिए । हरिवंशले गीत र भिडियोको खुलेर प्रशंसा गरे । उक्त समारोहमा हरिवंश आचार्यलाई सम्मान पनि गरिएको थियो ।

कमेन्ट्स
Loading...