सुचना, समाचार र मनोरन्जन

नेपोलीलाई झट्का, जित दर्ता गरेपनि युरोपा लिगको राउन्ड अफ ३२ बाटै आउट

एजेन्सी /

इटालियन क्लब नेपोली घरेलु मैदानमा जित दर्ता गरेपनि युरोपा लिगको राउन्ड अफ ३२ चरणबाटै बाहिरिएको छ ।

बिहीबार ग्रानडालाई २-१ ले हराएपनि समग्रमा ३-२ को हार बेहोर्दै नेपोली अन्तिम १६ मा पुग्न सकेन । पहिलो लेगमा नेपोली २-० ले पराजित भएको थियो । बिहीबार तेस्रो मिनेटमा नै पिटर जिलेन्सकीले अग्रता दिलाएपछि नेपोली खेलमा फर्कने सम्भावना बढेको थियो ।

यस्तै प्रतियोगितामा एसी मिलानले घरेलु मैदानमा रेड स्टार बेलग्रेडसँग १-१ को बराबरी खेल्दै अन्तिम १६ मा स्थान बनायो । पहिलो लेगमा २-२ को बराबरी भएपछि मिलान अवे गोलको आधारमा अघि बढेको हो ।

आयाक्सले लिलमाथि २-१ को जित सहित समग्रमा ४-२ को अग्रता लिँदै अर्को चरणमा प्रवेश गर्यो । आर्सनलले घरेलु मैदानमा बेन्फिकालाई ३-२ ले हराउँदै समग्रमा ४-३ को जित सहित प्रि क्वाटरफाइनलमा स्थान पक्का गर्यो ।

स्लाभिया प्रागविरुद्ध पहिलो लेग गोलरहित बराबरी खेलेको लेस्टर सिटी घरेलु मैदानमा २-० ले पराजित भएपछि युरोपा लिगबाट बाहिरियो । त्यस्तै बायर लेभरकुसन पनि योङ्ग ब्वाइजसँग लगातार हार बेहोर्दै अघि बढ्न सकेन ।

म्यानचेस्टर युनाइटेडले रियल सोसिडाडसँग गोलरहित बराबरी खेलेपछि पहिलो लेगको ४-० को जितको आधारमा नै अघिल्लो चरणमा प्रवेश गर्यो । एएस रोमाले ब्रागालाई ३-१ को जितसँगै समग्रमा ५-१ ले पराजित गर्दै अन्तिम १६ मा स्थान बनायो ।

कमेन्ट्स
Loading...