सुचना, समाचार र मनोरन्जन

‘मेरो माया करोडमा’ गीतमा टिकटक बनाउनुस्, ५० हजार र स्मार्टफोन जित्नुस्

  •  
  •  
  •  
  •  

गायक सुगम पोखरेल र गायिका सोना आमात्यको गीत ‘मेरो माया करोडमा’ले टिकटक प्रतियोगिता आयोजना गरेको छ ।

उच्च पुरस्कार राशीसहित यस गीतको टिकटक प्रतियोगिता आयोजना गरेको हो । यस प्रतियोगितामा सहभागि हुन ‘मेरो माया करोडमा’ गीतको कुनै पनि अंशमा टिकटक बनाएर पोष्ट गर्नुपर्ने छ । टिकटक पोष्ट गर्दा गायिका अमात्यको टिकटक हेन्डललाई पनि मेन्सन गर्नुपर्ने नियम बनाइएको छ ।

बैशाख पहिलो सातासम्म चल्ने यस प्रतियोगितामा उत्कृष्ट ३ हुने टिकटकलाई पुरस्कार प्रदान गरिने छ । जसमा प्रथम हुनेलाई ५० हजार नगद र मोटोरोला स्मार्ट फोन, दोस्रो हुनेलाई २० हजार नगद र मोटोरोला स्मार्ट फोन र तेस्रो हुनेलाई १० हजार नगद पुरस्कार राखिएको छ । त्योसँगै केही उत्कृष्ट बन्ने टिकटक प्रतियोगीलाई म्युजिक भिडियोमा काम गर्ने मौका दिने निर्माण पक्षले बताएको छ ।

विजेताको घोषणा गायिका अमात्यको नयाँ गीत ‘सोच बरिलै’ सार्वजनिक कार्यक्रममा घोषणा गरिने छ । ‘मेरो माया करोडमा’ बोलको गीतको शब्द तथा संगीत दीपक शर्माले तयार गरेका हुन् ।गम्भिर बिष्टको निर्देशनमा बनेको भिडियोमा सागर लम्साल ‘बले’, गोविन्द सिंह बिष्ट र गायिका अमात्यकै अभिनय रहेको छ । बुद्ध थापाले खिचेको भिडियोमा सुभम भुजेलको नृत्य निर्देशन रहेको छ ।

कमेन्ट्स
Loading...