नेपाल क्रिकेट संघ क्यानको आयोजनामा जारि टि २० ट्राइ सिरिज अन्तर्गत दोस्रो खेलमा आज नेदरल्यान्ड्स र मलेसिया भिड्दैछन् । खेल नेपाली समय १२: १५ बजे कीर्तिपुरस्थित टीयु अन्तर्राष्ट्रिय क्रिकेट मैदानमा हुनेछ ।
शनिबार भएको पहिलो खेलमा नेपालले नेदरल्याण्ड्सलाई ९ विकेटले पराजित गरेको थियो । आज नेदरल्याण्ड्स र मलेसिया सुदख सुरुआत गर्ने लक्ष्यमा छन् । नेदरल्याण्ड्स र मलेसिया यसअघि टी-२० क्रिकेटमा भेट भएका छैनन् ।
नेपालविरुद्ध हारपछि नेदरल्यान्ड्सका कप्तान पिटर शिलारले टोलीको खराब प्रदर्शनको खुलेर आलोचना गरेका थिए । अधिकांश युवा खेलाडी उतारेको टोलीलाई मलेसियाविरुद्ध उच्च प्रदर्शन गर्न निकै दबाब छ ।
यता मलेसिया प्रतियोगितामा कमजोर टोली मानिएपनि पछिल्लो समय राम्रो नतिजा निकाल्दै आएको छ । युवा खेलाडीको वर्चस्व रहेको टोलीमा आक्रामक ब्याट्सम्यानको बाहुल्यता छ ।
नेदरल्यान्ड्सको टोली : पिटार सीलार (कप्तान), टोबियस भिसे, बेन कुपर, म्याक्स ओडिवड, बास डी लीडे, विक्रमजित सिंह, स्कर्ट एडवार्डस, आर्यन दत्त, फिलिपे बोइससेवेन, पल पान मीकेरन, भिभिन किंगमा, टोनी स्टल, सेबस्टियान ब्राट र जुलियन डी म
मलेसियाको टोली : अहमद फेज, विरनदिप सिंह, ऐनोल हफिज्स, अमिनुदीन राम्ली, अनवर अरुदीन, अनवर रहमान, फित्री शाम, खिजार हायत, धिवेंद्रण मोगन, मुहमद वाफिक, शर्विन मुनींदी, पवनदीप सिंह, शफिक सरिफ, स्यार्जुल इद्रुस, सायद अजिज
