सुचना, समाचार र मनोरन्जन

नेपाली कांग्रेस ‘पोखरा महानगरको सभापति’मा गंगाधरको उम्मेदवारी, गुमेको साख जोगाउछु

  •  
  •  
  •  
  •  

नेपाली कांग्रेस पोखरा महानगर सभापतिमा गंगाधर पराजुलीले पत्रकार सम्मेलन मार्फत उम्मेदवारी घोषणा गरेका छन् । पत्रकार सम्मेलनमा बोल्दै पराजुलीले लोकतन्त्र, प्रजातन्त्र र समाजवादलाई पछ्याउँदै अगाडि बढेको बताए ।

पोखरा महानगरमा नेतृत्वको कमजोरीका कारण तल्लो तहले राम्रोसँग प्रशिक्षण र मार्गनिर्देशन नपाउँदा कांग्रेस कमजोर बन्न पुगेकोले त्यसलाई सुधार गर्नको लागि आफूले उमेद्वारी दिएको उनले बताए ।

पत्रकारहरुले पत्रकारिता क्षेत्रमा लागेको व्यक्ति किन राजनीतिमा भन्ने जिज्ञाशामा उनले आफू विद्यार्थीकालदेखि नै राजनीति क्षेत्रमा लागेको जानकारी गराउदै भने पछिल्लो समयमा कांग्रेसको तहमा रही काम गरेको अनुभव सुनाए । “ उनले आफु विद्यार्थी कालबाट नै नेविसंघको राजनीति गरे, पछिल्लो समय कांग्रेसकै विभिन्न तहमा काम गरे भने विभिन्न कालखण्डमा राजनीति कै कारणले जेलपनि भोगे, ट्रेड युनियन मातहतको प्रेस युनियनको नेतृत्व तहमा रहेर समेत काम गरिसकेको छु, मलाई पत्रकारिता मात्रै नभएर राजनीतिक क्षेत्रमा समेत विशेष योगदान पु¥याएको छु।

अब मेरो पत्रकारिता क्षेत्रको विट मार्दै क्रियशिलरुपमा राजनीतिमा सक्रिय भएर काम गर्छु,” उनले भने । “म १२ औं अधिवेशनमा जिल्ला सचिवको उमेदवार थिए, सबैले सहयोग गर्दा पनि पराजित बन्न पुगे, अहिले म जिल्लामा नेतृत्व भूमिकामा देखिनुपर्ने थियो तर पोखरा महानगरमा देखिएका विकृति, विसंगति र वेथितिलाई सुधार गर्नको महानगर सभापतिमा उमेद्वार दिएको हु,” उनले भने “लामो समय पत्रकारिता गर्दा धेरैजनालाई पत्रकारिता सिकाएको म सँग अनुभव छ, अब म कांग्रेसमा आवद्ध क्रियशिल सदस्यदेखि नेतृत्व गर्ने युवाहरुलाई प्रशिक्षण गराउछु। नेपाली कांग्रेस प्रमुख प्रतिपक्ष हुँदा समेत महानगरमा भएका अनियमितता, भ्रष्टचारका विषयमा खुलेर बोल्न सकेका छैनन्, त्यस्ता विषयमा खुलेर वकालत गर्छु,” उनले भने ।

सभापतिका उम्मेदवार पराजुलीले कांग्रेसलाई बलियो र मजवुद बनाउनको लागि भातृसंगठन गठन गरि चलायमान बनाउने, महानगरवासीको अभिलेख राख्ने सफ्टवयरको विकास गर्ने, तल्लो निकाय एवम् वडा ईकाइ र सभापतिहरुलाई प्रशिक्षण गर्ने, समय समयमा छलफल गरी विद्यान बमोजिम काम सबैभन्दा पहिलो प्राथमिकतामा रहेको उनको विचार थियो।

नेपाली कांग्रेसको गुमेको साख फिर्ता ल्याउने, अन्याय अत्याचारसँग लड्न सक्ने कांग्रेस बनाउने सोंचका साथ अगाडि बढेको पराजुलीले पत्रकार सम्मेलनमा बताएका छन् ।

कमेन्ट्स
Loading...