सुचना, समाचार र मनोरन्जन

साफ च्याम्पियनसिप फुटबल : श्रीलङ्कामाथि नेपालको सानदार जित

श्रीलङ्का ३–२ गोल अन्तरले पराजित

  •  
  •  
  •  
  •  

माल्दिभ्समा जारी दक्षिण एसियाली फुटबल साफ च्याम्पियनसिपमा नेपालले श्रीलङ्का माथि सानदार जित निकालेको छ। गए राति माल्दिभ्सको मालेमा भएको खेलमा नेपालले श्रीलङ्कालाई ३–२ गोल अन्तरले हराएको हो । नेपाल लगातार दोस्रो खेलमा विजयी भएको हो ।

यसअघि पहिलो खेलमा नेपालले आयोजक माल्दिभ्सलाई १–० गोलअन्तरले पराजित गरेको थियो । श्रीलङ्काविरुद्धको खेलमा नेपालका लागि सुमन लामा, अन्जन विष्ट र आयुस घलानले एक एक गोल गरे । श्रीलङ्काका लागि मार्भिन ह्यामिल्टन र डिलोन डी सिल्भाले एक एक गोल गरे।

खेलको पहिलो हाफको ३३औँ मिनेटमा सुमन लामाले गोल गर्दै नेपाललाई अग्रता दिलाए । यस्तै खेलको ५१औँ मिनेटमा नेपालका तर्फबाट अन्जन विष्टले गोल गरे । खेलको ५७औँ मिनेटमा मार्भिन ह्यामिल्टनले श्रीलङ्काका लागि पहिलो गोल गर्दै खेललाई २–१ को अवस्थामा ल्याए । यसैगरी आयुस घलानले खेलको ८६औँ मिनेटमा गोल नेपाललाई ३–१ को अग्रता दिलाए ।

खेलको अन्तिम समयमा श्रीलङ्काका लागि डिलोन डी सिल्भाले पेनाल्टीमार्फत गोल गर्दै खेल ३–२ को स्थितिमा ल्याए पनि आफ्नो टोलीलाई जित दिलाउन भने सकेनन्। लगातारको जितसँगै नेपाल साफ च्याम्पियनसिपको शीर्ष स्थानमा पुगेको छ । नेपालले दुई खेलबाट ६ अङ्क जोडेको छ । अब नेपालले तेस्रो खेल असोज २४ गते भारतविरुद्ध खेल्नेछ ।

नेपालका कप्तान किरणकुमार लिम्बुले जितपछि यो नै अन्त्य नभएको र अर्को स्टेफ बाँकी रहेको बताए । आजको खेलपछि पाँच दिन विश्राम रहेकोले अबको खेलमा भारतविरुद्ध पूरा ९० मिनेट कडा फाइट गर्ने उनले बताए । यसैगरी प्रशिक्षक अबदुल्लाह अल्मुताइरीले नतिजाबाट सन्तुष्ट रहेको बताए ।

कमेन्ट्स
Loading...