सुचना, समाचार र मनोरन्जन
kumdini

पूजा र आकाश अभिनित ‘सम्झना बिर्सना’को रिलिज पोस्टपोन्ड

काठमाडौं : 

फिल्म ‘सम्झना–बिर्षना’ को रिलिज मिति अनिश्चितकालका लागि सरेको छ । अभिनेता आकाश श्रेष्ठ र अभिनेत्री पूजा शर्मा स्टारर फिल्म ‘सम्झना बिर्सना’को रिलिज पोस्टपोन्ड भएको हो ।

British college

आगामी जेठ ६ गतेबाट प्रदर्शनमा आउने तयारीमा रहेको फिल्मलाई प्रचार–प्रसारको अभाव भएको र यही बैशाख ३० गते हुन लागेको स्थानीय तहको निर्वाचनको माहोललाई मध्यनजर गर्दै अनिश्चितकालका लागि सारिएको हो ।

निर्माण टिमले मंगलवार दिउँसो ४ बजे फिल्मको शिर्ष गीत सार्वजनिक गर्दै वितरक र निर्माताबीच तत्काललाई फिल्मको प्रदर्शन मिति स्थगन गर्ने सहमति भएको निर्देशक निमेष प्रधानले बताए । फिल्ममा दार्जिलिङ, सिक्किम र नेपालको बसोबास गर्ने नेपालीबीचको प्रेमकथामालाई देखाउन खोजिएको निर्माण पक्षले बताएको छ ।

आदित्य प्रधान र रेविका प्रधानले निर्माण गरेको फिल्मलाई हुन् फिल्मको कथा तथा पटकथा निर्देशक प्रधान स्वयंले लेखेका हुन् । आदित्य फिल्मस्को ब्यानरमा निर्माण भएको फिल्ममा पूजा र आकाशका अलावा सुनिल थापा, शिशिर राणा, छुल्ठिम गुरुङलगायतको पनि अभिनय रहेको छ । शिव ढकालको छायांकन, तारा थापा ‘किम्भे’को सम्पादन रहेको यस फिल्ममा कमल राईको नृत्य निर्देशन रहेको छ । फिल्ममा शिशिर राणा र निमेष प्रधानको संवाद रहेको छ ।

कमेन्ट्स
Loading...