सुचना, समाचार र मनोरन्जन

पुजा शर्माको ‘रमरम रमौटी’ले करोड भ्युज पुग्दा काठमाडौमा पाटी

काठमाडौ ।

गीत संगीत कुन चल्यो कुन चलेन भन्ने मापन गर्ने अहिलेसम्म कुनै यन्त्र बनेको छैन । कुन गीत हिट भयो कुन गीत हिट भएन भन्ने कुरामा अहिले पनि कलाकर्मी अन्योलमा रहेका छन् । तर केहि वर्ष यता डिजिटल सिस्टम युटुवमा आएको भ्युजका आधारमा यो गीत चलेको र नचलेको भन्ने आधार मान्न थालिएको छ ।
यहि युटुवको भ्युज हेरेर नै धेरैले गीत चले नचलेको भन्न थालेका छन् । किनभने पहिला गीतका क्यासेट बिक्रीका आधारमा र सिडीका आधारमा गीत चलेको मापन गरिन्थ्यो त्यो अहिले छैन । त्यसैले युटुवमा आएको भ्युजका आधारमा गीत संगीत हिट र फ्लप छुट्याउन थालिएको छ । यहि युटुवमा अपलोड भएका नेपाली गीत संगीतमा हेर्ने हो भने थुप्रै गीत करोड क्लबमा पुगेका छन् ।

यहिबीचमा पछिल्लो समय करारे भ्युज पुगेको गीत हो ‘रमरम रमौटी’ । यो गीत बालबालिका देखि युवा पुस्ताका साथै उमेर ढल्किएकालेसम्म मन पराएका छन् । सामाजिक सञ्जाल टिकटकमा समेत हिट भएको यो गीतको भिडियोलाई दर्शकले एक करोड भन्दा धेरै पटक हेरेका छन् ।
गीतको भिडियोले एक करोड भ्युज पाएको भन्दै निर्माण टिमले शनिबार राजधानीमा भव्य पाटीको आयोजना गर्यो ।

उक्त पाटीमा गीतको भिडियोमा अभिनय गर्ने अभिनेत्री पुजा शर्मा लगायत टिमकै उपस्थित रहेको थियो । कार्यक्रममा उपस्थित भएकी अभिनेत्री पुजा शर्मा सबैभन्दा बढि खुसी देखिएकी थिइन् । उनले कार्यक्रममा केक काट्दै गर्दा गायक खेम सेन्चुरीको अन्य गीतमा अझै सहकार्य गर्न मन लागेको भन्दै उनको तारिफ गरेकी थिइन् ।
अझ रमाइलो पक्ष त के थियो भने उक्त केक पाटीमा पुजा शर्मा आएपछि उनका फ्यानहरुले घेरेका थिए । यो दृश्य देख्दा कार्यक्रम निकै रोचक देखिन्थ्यो । खेम सेन्चुरी र अस्मिता अधिकारीले गाएको यो गीतलाई नेत्र अर्यालले लेखेका हुन् । रामजी लामिछानेले कोरियाग्राफी तथा निर्देशन गरेको यो गीतको भिडियोमा पुजालाई ओभी रायमाझीले अभिनयमा साथ दिएका छन् ।

कमेन्ट्स
Loading...