सुचना, समाचार र मनोरन्जन
kumdini

सौगात र श्रृष्टि अभिनित ‘माइकल अधिकारी’को पोस्टर रिलिज

काठमाडौ  :

British college

भर्सटायल अभिनेता सौगात मल्ल र सृष्टि श्रेष्ठको मुख्य भूमिका रहेको फिल्म ‘माइकल अधिकारी’को फर्स्टलुक पोस्टर सार्वजनिक गरिएको छ । निर्माण पक्षले शुक्रवार दुईवटा पोस्टर सामाजिक सञ्जालमार्फत सार्वजनिक गरेको हो ।

सार्वजनिक भएको पोस्टर पैसा कमाएपछि आउने खुसीको अवस्थालाई देखाउन खोजिएको छ । पोस्टरमा यहि फिल्मको थिम बोल्छ । फिल्मका निर्माता निरक पौडेलले सार्वजनिक गरेको दुइ वटा पोस्टरमध्ये एउटा पोस्टरमा सौगातले बोकेको खर्पनमा एकातिर सृष्टि र बच्चा छन् भने अर्कोतिर पैसाको भारी राखिएको छ । त्यस्तै, दोस्रो पोस्टरमा सौगात र सृष्टि पैसाको विछ्यौनामा प्रेमिल मुद्रामा प्रस्तुत भएको छन् । यसबाट पनि फिल्म पैसा कमाएपछिको खुशी बुझ्न सकिन्छ ।

आगामी भदौ ३ गतेबाट प्रदर्शनमा आउन लागेको फिल्मलाई रन्जित रौनियारले निर्देशन गरेका छन् । उनी यही फिल्मबाट फिल्म निर्देशनमा डेब्यू गरेका हुन् । फिल्ममा सौगात र सृष्टिका साथमा अशान्त शर्मा, ऐनी कुँवर, हेमन्त बुढाथोकी, विद्या कार्की, सुजना ढकाल, दिलिप बोहरा लगायतको अभिनय रहेको छ । गोपीकृष्ण मुभिजको ब्यानरमा निरक पौडेलले निर्माण गरेको फिल्मको प्रस्तुतकर्ता उद्धव पौडेल हुन् ।

कमेन्ट्स
Loading...