सुचना, समाचार र मनोरन्जन

स्वस्तिमाको ‘चपली हाइट ३’ भोलिबाट हलमा

काठमाडौं । दुइ वर्षदेखि रिलिज मिति सार्दै आएको फिल्म ‘चपली हाइट ३’ शुक्रबारदेखि देशभरका हलमा रिलिज हुने पक्का भएको छ । पुष महिनामा नै दुइ पटक सरेको फिल्मले भोलीबाट हलमा लाग्ने भएको हो । भोलीबाट हलमा प्रदर्शनमा आउने फिल्म ‘चपली हाइट ३’को बुकिङ समेत खुल्ला भएको छ । यो फिल्मका लागि बुधबारबाट नै देशभरका सबै मल्टिप्लेक्सले बुकिङ खुल्ला गरेको हो ।

British college

बुधबारबाट नै बुकिङ खुल्ला भएको फिल्म ‘चपली हाइट ३’लाई देशभरका मल्टिप्लेक्सले सुखद शो दिएका छन् । देशकै ठूलो क्यूएफएक्स चेनले यो फिल्मलाई २६ शो उपलब्ध गराएको छ भने बिग मुभिज, वान सिनेमाज, वीएसआर, एफक्युबमा पनि राम्रो शो पाएको छ । पुष २ गते बलिउड फिल्म ‘पुष्पा’सँग डराएर भागेको फिल्मले अन्तत: पुष ३० गते राम्रो शो पाएको हो । कोरोना त्रासका कारण स्कुल तथा कलेज बन्द भएकाले पनि यो फिल्मलाई असर पर्छ कि भन्ने अनुमान गरिएको छ ।

स्वस्तिमा खड्का, आमिर गौतम, सुपुष्पा भट्ट, महेश त्रिपाठी लगायतका कलाकारको मुख्य भूमिका रहेको फिल्मलाई निकेश खड्काले निर्देशन गरेका हुन् । अर्जुन कुमारले लगानी गरेको यस फिल्मका अघिल्ला दुई सिरिज राम्रो कमाई गरेको थियो । यसले पनि राम्रो कमाई गर्नेमा निर्माण पक्ष ढुक्क देखिन्छ ।

कमेन्ट्स
Loading...